Gürcüstanın Müstəqillik Günü münasibətilə Gürcüstan səfirliyinin təşkilatçılığı ilə Stokholmdakı Rosendal Kral bağında bayram tədbiri keçirilib.

Gürcü qonaqlara Gürcüstanın fövqəladə və səlahiyyətli səfiri İrakli Xutsurauli ev sahibliyi edib və tədbir iştirakçılarına müraciət edib. Səfir Gürcüstan və İsveç arasında tarixi əlaqələrə, Gürcüstanın xarici siyasət prioritetlərinə və ölkənin əldə etdiyi nailiyyətlərə diqqət çəkib.

Axşam Gürcüstan və İsveç himnlərinin canlı ifası ilə açılıb. İsveç musiqiçilərinin ifasında gürcü ənənəvi rəqsləri və gürcü mahnıları təqdim olunmuşdu. Tədbirə dəvət olunmuş qonaqlar ənənəvi gürcü yeməkləri və şərabından dadmaq imkanı əldə ediblər.

Tədbirdə İsveçin qanunverici və icraedici hakimiyyətinin, İsveçdə akkreditə olunmuş diplomatik korpusun, medianın, elmi dairələrin və gürcü diasporasının nümayəndələri iştirak edirdilər.

Gürcüstanın Xarici İşlər Nazirliyi məlumat yayır.