Şarm Əl-Şeyxdə İsrail və “HƏMAS” nümayəndələri arasında dolayı danışıqlar aparılır
Şarm Əl-Şeyxdə İsrail və “HƏMAS” nümayəndələri arasında dolayı danışıqlar aparılır. “CNN”nin məlumatına görə, görüş artıq bir saatdan çoxdur ki, davam edir.
Danışıqların məqsədi ABŞ prezidenti Donald Tramp tərəfindən təklif olunmuş sülh planı üzərində işləməkdir. Vasitəçilik rolunu misirli və qətərli mediatorlar yerinə yetirirlər. Onlar İsrail və “HƏMAS” nümayəndə heyətləri ilə ayrı-ayrılıqda görüşürlər.
Bundan əvvəl ABŞ Prezidenti Donald Tramp 29 sentyabr tarixində İsrailin Baş naziri Benyamin Netanyahuyla görüş zamanı 20 bəndlik Qəzza sülh planını təqdim edib. Bir neçə gün sonra isə “HƏMAS” atəşkəsə razı olaraq Donald Trampın sülh planı ilə razılaşıb.