Ukraynada vəziyyət ağırdır, ölkə nə müharibəni davam etdirə bilir, nə də müharibəni bitirə bilir, – bu barədə parlamentin sədri Şalva Papuaşvili bildirib.

Onun söylədiyinə görə, Gürcüstan hakimiyyəti xüsusilə ehtiyatlı idi, çünki ölkəni dağıdıcı müharibəyə sürükləmək istəyirdilər.

“Xarici qüvvələr, daxili müxalifət və “QHT”lər bizi müharibəyə çəkməyə çalışanda dedik ki, belə müharibələrin necə başladığını da, necə nəticələndiyini acı təcrübə ilə ən yaxşı biz gürcülər bilirik. Buna görə də, Gürcüstan hakimiyyəti xüsusilə ehtiyatlı idi, çünki biz həm daxili, həm də xarici qüvvələrin birbaşa bizi itələdiyi belə dağıdıcı müharibənin astanasında dayanmışdıq. Əksinə, biz Gürcüstanda belə isteriyanın yayılmasının nə demək olduğunu dərk etmədən saxta yumruq silkələməni, kompüter klaviaturasının arxasında saxta qəhrəmanlığı görürdük. Ukraynada vəziyyət ağırdır, ölkənin nə müharibəni davam etdirməyə gücü çatır, nə də müharibəni bitirməyə. Bu, ən böyük çağırışdır – müharibə dalana dirənib. Nəticə, müharibənin davamı ağırdır, müharibənin bitməsi də ağırdır. Prezident Zelenskinin dünənki bəyanatı buna sübutdur ki, Ukrayna iki pis seçimdən birini seçməlidir. Məhz bizim başımıza da bunun gəlməsini istəyirdilər, bizim də real seçimimiz olmayacaqdı və iki pis seçim qarşısında qalacaqdıq. Gürcüstan hakimiyyəti və gürcü xalqı bunun ölkənin başına gəlməsinin qarşısını aldı”, – Papuaşvili bildirib.