Biz bütün diqqətimizi xalqımıza, ölkəmizə yönəltmişik və fevralda yaz sessiyasına başlayacağıq. Dünən və bu gün baş nazir Əbu-Dabiyə səfər edib, böyük investisiya paketi üzrə razılıq əldə olunub və Gürcüstan hakimiyyəti xalqın rifahının yaxşılaşdırılması üçün bunun qayğısına qalır, – bu barədə Gürcüstan parlamentinin sədri Şalva Papuaşvili bildirib.

Onun dediyinə görə, Gürcüstan iqtisadi artımla liderdir və bu, çox vacibdir.

“İqtisadi artım templəri ilə liderik. Həm də Baltikyanı ölkələrin xarici işlər nazirlərinin gəlib mitinqlər təşkil etdiyi, həmçinin Almaniya parlamentinin deputatlarının da gəlib burada qarışıqlıq yaratmağa çalışdıqları şəraitlərdə. Biz bu templə davam edəcəyik. Bizim vəzifəmiz ölkəmizin əhalisinin rifahını yaxşılaşdırmaq və ən əsası, bu geosiyasi qarışıqlıqda sakitliyi qorumaqdır ki, bizim əsas məqsədimiz bir qram belə təhlükə yaratmaq deyil – ölkənin ərazi bütövlüyünün bərpası. Bütün düşüncələrimiz buna yönəlib və biz heç kimə icazə verməyəcəyik ki, sanksiyalar və ya cəzalandırmaq təhdidi ilə hakimiyyətimiz bu kursdan birtəhər kənara çıxsın, ölkəmizin ərazi bütövlüyünün bərpasına və əhalinin rifahının yüksəlməsinə xələl gətirsin”, – Papuaşvili bildirib.