Bu gün biz fədakarlığı, peşəkarlığı və sədaqəti ilə Gürcüstanın təhlükəsizliyinə, sülhünə və dövlətçiliyinə xidmət edən insanlara ehtiramımızı bildiririk, – bu barədə Gürcüstan Parlamentinin sədri Şalva Papuaşvili Müdafiə Qüvvələri nümayəndələrinin mükafatlandırılması mərasimində çıxışı zamanı bildirib.

Şalva Papuaşvilinin qeyd etdiyi kimi, bugünkü mükafatlandırma mərasimi Müdafiə Qüvvələrinin hər gün göstərdiyi xidmətə görə minnətdarlığın ifadəsidir.

“Hərbi forma yalnız bir peşə nişanəsi deyil – o, ölkə, cəmiyyət və gələcək nəsillər qarşısında məsuliyyət rəmzidir. Bu, istənilən an vətəni, onun azadlığını və ləyaqətini qorumağa hazır olmağın ifadəsidir. Gürcüstan tarixində gürcü döyüşçüsü hər zaman cəsarətin, sədaqətin və fədakarlığın rəmzi olub. Bu gün Gürcüstan Müdafiə Qüvvələrinin nümayəndələri həm ölkə daxilində, həm də beynəlxalq missiyalarda Gürcüstana ləyaqətlə xidmət edərək məhz bu ənənəni davam etdirirlər. Bugünkü mükafatlandırma hər gün yerinə yetirdiyiniz xidmətə görə minnətdarlığın ifadəsidir. Hər birinizin əməyi, nizam-intizamı və sədaqəti Gürcüstanı gücləndirir və dövlətimizi daha da sarsılmaz edir. Xidmətinizə, ləyaqətinizə və fədakarlığınıza görə təşəkkür edirəm. Sizi layiq görüldüyünüz mükafatlar münasibətilə təbrik edir, sülh, uğurlar və dözümlülük arzulayıram. Tanrı Gürcüstanı qorusun”, – Şalva Papuashvili bildirib.