Gürcüstan parlamentinin sədri Şalva Papuaşvili Avropa İttifaqının Gürcüstandakı səfiri Pavel Herçinskinin bugünkü bəyanatına münasibət bildirir.

Söhbət Pavel Herçinskinin bəyanatından gedir. O burada  qeyd edir: “Gürcüstan Avropa İttifaqının prinsiplərinə zidd olan qanunlar qəbul edib. Bu qanunlarla Avropa İttifaqına üzv olmaq mümkün olmayacaq və bunu açıq və birbaşa dediyimə görə çox məyusam”.

“Gürcüstan parlamenti tərəfindən qəbul edilən qanunlara zidd olan yeganə şey, Brüsseldəki mövcud bürokratiyanın radikalizmi və təbliğatı gizli şəkildə maliyyələşdirmək arzusudur, bunun Avropa İttifaqının prinsipləri ilə heç bir əlaqəsi yoxdur. Bunu açıq və birbaşa dediyimə görə çox məyusam”, – deyə Şalva Papuaşvili sosial şəbəkədə yazır.