Prezident Trampın prezident Ğavelaşviliyə təbriki təqdirəlayiqdir və bu təbrikdə yer alan mühüm mesaj və göndərişlər iki əsas məsələni vurğulayır – ABŞ və Gürcüstan hökumətləri arasında intensiv əməkdaşlığın vacib olduğunun qəbul edilməsi və vurğulanması, həmçinin iqtisadi əməkdaşlığın vacib olduğunu vurğulayır”, – bu barədə Gürcüstan parlamentinin sədri Papuaşvili bildirib.

Onun söylədiyinə görə, səfirliyin prezident Trampın məktubunu niyə dərc etməməsi təəccüblüdür.

“Biz strateji tərəfdaşlıqdan gözləyirdik ki, bu, iqtisadi əlaqələrin möhkəmlənməsinə, investisiyaların cəlb edilməsinə, azad ticarətə, o cümlədən əlverişli tarif şərtlərinin razılaşdırılmasına töhfə verəcək. Məhz bizim dediyimiz şeyi Prezident Tramp özünün əsas xarici, iqtisadi vəzifəsi elan etdi. Bu məktubun ertəsi günü səfirlik prezident Trampın təbrikini dərc etmək əvəzinə, “Gürcü arzusu” partiyasına həsr olunmuş anlaşılmaz bir yazı yerləşdiriblər ki, bu da nədənsə prezident Trampın müsbət mesajlarına kölgə salmaq istəyinin olduğu təəssüratı yaradır. Səfirliyin hələ də məktubu dərc etməməsi bir az təəccüblüdür və bu, onun praktikasına ziddir. Dövlət katibinin Konqresdəki çıxışının gürcü stenoqramını bizə təqdim edib və yayıblarsa, prezidenti təmsil etməli olan səfirliyin Trampın məktubunu yaymaması bir qədər təəccüblüdür. Yəqin ki, bu da izah tələb edir”, – Papuaşvili bildirib.