Cəmiyyəti bölmək və qarşıdurma yaratmaq cəhdi var. Buna görə də, bu cür məqamlar gürcü cəmiyyətinə kimin düşmən kəsildiyini, kilsəni bölməyə, orada nifaq salmağa, kilsə ilə cəmiyyəti bir-birinə qarşı qoymağa kimin çalışdığını tanımaq üçün yaxşı bir göstəricidir, – bu barədə Gürcüstan Parlamentinin sədri Şalva Papuaşvili bildirib.

Papuaşvilinin sözlərinə görə, “bunlar Gürcüstana qarşı zərərli məqsədlərini həyata keçirən xaricdəki həmin insanlar və hakimiyyətlərdir”.

“Bir müddət əvvəl əks-kəşfiyyat fəaliyyətinin gücləndirilməsi ilə bağlı danışılarkən, Mamuka Mdinaradze qeyd etdi ki, Gürcüstanda belə fəaliyyətlə məşğul olan bir neçə Avropa ölkəsi mövcuddur. Polşa hökumətinin Gürcüstan kilsəsinə hücum etmək üçün özündə hər hansı bir haqq görüb-görmədiyini bilmirəm, lakin bu, onların böyük problemidir, çünki kilsənin böyüklüyü qarşısında öz kiçikliklərinin fərqində deyillər”, – Şalva Papuaşvili qeyd edib.