Böyük Britaniya səfirliyi ənənəvi olaraq Gürcüstan ictimaiyyətinin suallarını və narahatlığını cavabsız qoyub və bunun əvəzinə biz daha bir qeyri-dost bəyanat aldıq, – bu barədə parlamentin sədri Şalva Papuaşvili sosial şəbəkədə yazır.

Papuaşvili səfirliyin bugünkü bəyanatına münasibət bildirir, burada qeyd olunur ki, “Biz bu təşkilatların susdurulmasına yönəlmiş siyasi motivli bir addım ola biləcək yeddi QHT-nin bank hesablarının dondurulmasından narahatıq”.

“Cəmiyyətə xatırlatmaq istəyirəm ki, cəmi bir neçə həftə əvvəl Böyük Britaniya səfirliyi radikal gündəmə malik təşkilatlara maliyyə verməyə çalışırdı, xüsusilə, Tamar Çerqoleişvilinin partiya divar qəzeti “Tabula” və “Milli Hərəkat”ın 5-ci nömrəsi, Qia Caparidzenin radikal təşkilatı “Gələcəyin Akademiyası” üçün.

Hər iki halda maliyyələşdirmə cəhdinin səbəbi kimi onların guya yerli seçkilərlə bağlı jurnalist araşdırması aparması və seçkiləri müşahidə etməsi göstərilirdi. Halbuki, hər iki subyektin açıq şəkildə bəyan etdiyi məqsəd seçkilərin pozulmasıdır.

Təbii ki, bu, ictimaiyyətdə haqlı şübhə yaratdı ki, səfirliyin məqsədi özünüidarəetmə seçkilərini asanlaşdırmaq yox, seçkiləri sabotaj etmək məqsədi daşıyanları maddi cəhətdən gücləndirmək ola bilər.Daha sonra səfirliyi bu məsələdə tam şəffaf olmağa çağırdım ki, şübhələri aradan qaldırsın və ictimaiyyətə izah etsin: necə oldu ki, səfirlik partiyapərəst, radikal qrupları maliyyələşdirməyə çalışdı və 2024-cü il seçkiləri dövründə konkret olaraq kimi maliyyələşdirirdi. Ənənəvi olaraq, səfirlik Gürcü cəmiyyətinin suallarını və narahatlıqlarını cavabsız qoydu. Əvəzində isə Gürcü xalqına qarşı növbəti qeyri-dost bəyanat aldıq”, – Papuaşvili yazır.