Qanunlar qəbul etmək üçün kifayət qədər insan resurslarımız, zəkamız və təcrübəmiz var, bəzi təkəbbürlü xarici siyasətçilərin müdaxiləsinə isə ehtiyacımız yoxdur, – bu barədə Parlamentin sədri Şalva Papuaşvili bildirib.

Onun sözlərinə görə, Gürcüstan Estoniyanın işlərinə qarışmadığı kimi, Estoniya da Gürcüstanın işlərinə qarışmamalıdır.

“Bəlkə də Estoniyada kimisə maliyyələşdirməyə başlamağın vaxtıdır. Bu insanlarla ciddi danışmaq olmaz. Biz sovet düşüncəsinə malik insanlarla iş görürük. Onlar Sovet İttifaqının dünyada inqilablar planlaşdırdığı və digər xalqlar haqqında danışdığı kimi davranırlar. Görünür, hazırkı Estoniya hökumətinin Sovet İttifaqından götürdüyü yeganə şey həmin dövrdə mövcud olan yanaşmalardır.

“Qoy hər kəsin öz ölkəsi üçün vacib hesab etdiyi işləri rast getsin. Lakin bir şeyi deyəcəyəm: necə ki, biz Estoniyanın işlərinə qarışmırıq və onların qəbul etdiyi qanunlara qarışmırıq, zəhmət edib, Estoniya da Gürcüstanın daxili işlərinə qarışmamalıdır. Qanunlar qəbul etmək üçün insan resurslarımız, zəkamız və təcrübəmiz var. Bizim qanunvericiliyimizlə bağlı bəzi yüngülbeyin xarici siyasətçilərin müdaxiləsinə və tövsiyələrinə heç bir ehtiyac yoxdur”, – Papuaşvili bildirib.

Məlumat üçün bildirək ki, Estoniya parlamenti üçüncü ölkələrin vətəndaşlarına Estoniyada fəaliyyət göstərən siyasi partiyalara ianə etməyi qadağan edən qanun layihəsini təsdiqləyib.