“Qaxaria – Gürcüstan naminə” partiyasının üzvü Şalva Kereselidzenin bildirdiyinə görə, istehlak qiymətlərinin tənzimlənməsi çətin məsələdir, lakin hər şey siyasi iradənin mövcudluğundan asılıdır.

Kereselidzenin sözlərinə görə, əgər proses PR xarakteri daşımasa, parlament komissiyası elə nəticələr əldə edə biləcək ki, xalq qiymətlərin azalmasını hiss edəcək.

“Qiymətlərin tənzimlənməsi məsələsi o qədər mürəkkəb və çətin bir prosesdir ki, biz yalnız orta və uzunmüddətli perspektiv barədə deyil, həm də qısamüddətli dövr haqqında düşünməliyik ki, cəmiyyət sosial rifahı hiss edə bilsin deyə təsirli və konkret addımlar atılsın. Bu, mürəkkəb məsələdir, çünki korrupsiya maraqları, gizli razılaşmalar və sair amillərlə bağlıdır. Bütün bunları bir anda həll etmək asan deyil. Lakin sonda hər şey siyasi iradədən asılıdır. Əgər siyasi iradə olmasa, heç bir nəticə əldə olunmayacaq. Əgər bu proses PR xarakteri daşımayacaqsa, komissiya elə nəticələr əldə edə bilər ki, insanlar qiymətlərin azalmasını qısa müddətdə hiss etsinlər”, – deyə Şalva Kereselidze qeyd edib.