Salome Zurabişvilinin elan etdiyi aksiyanın iştirakçıları Parlamentin yaxınlığında toplaşıblar
19:37, 28.10.2024
Salome Zurabişvilinin elan etdiyi aksiyanın iştirakçıları Gürcüstan parlamenti yaxınlığında toplaşıblar.
Aksiyanın rəsmi hissəsi hələ başlamayıb. Aksiya iştirakçılarının dediyi kimi, oktyabrın 26-nın parlament seçkiləri saxtalaşdırıldı. Aksiyaya Salome Zurabişvilinin özü də qoşulacaq.
Gürcüstan prezidenti Salome Zurabişvili dünən, oktyabrın 27-də keçirdiyi brifinqdə parlament seçkilərinin nəticələrini tanımadığını bildirdi və üç müxalifət birliyi ilə birgə aksiyalar elan etdi. Salome Zurabişvilinin dediyinə görə, seçkilər tamamilə saxtalaşdırıldı və ölkədə rus xüsusi əməliyyatı həyata keçirildi.
