Rusiyanın Ukraynaya dronlar və ballistik raketlərlə zərbələri nəticəsində iki nəfər yaralanıb, yaşayış evlərinə və avtomobillərə ziyan dəyib

Gecə Rusiya 145 dronla və ballistik raketlərlə Ukraynaya genişmiqyaslı hücum edib. Ukraynanın hava hücumundan müdafiəsi 45-i Kiyev vilayətində olmaqla 72 dronu zərərsizləşdirib.

Medianın məlumatına görə, hücum Xarkov, Poltava, Sumı, Çerniqov, Çerkassı, Kiyev, Jitomir, Vinnitsa, Kirovoqrad, Dnepropetrovsk, Zaporojya və Odessa vilayətlərində həyata keçirilib.

Kiyev vilayətində hücum nəticəsində 2 nəfər yaralanıb, yaşayış evlərinə və avtomobillərə ziyan dəyib. Xüsusi ilə, hüquq-mühafizə orqanları əməkdaşlarının məlumatına görə, Buça rayonunda 20 ikimərtəbəli evə, 15 fərdi yaşayış evinə və 19 avtomobilə ziyan dəyib.