Rusiya Müdafiə Nazirliyinin bildirdiyinə görə, Rusiya Hava Hücumundan Müdafiə Qüvvələri ötən gecə ölkənin müxtəlif bölgələrində 216 Ukrayna dronunu vurub.

Onların məlumatına görə, ən çox dron — 66-sı Krasnodar diyarında, 59-u Qara dəniz üzərində, 45-i Saratov vilayətində və 19-u işğal olunmuş Krımda vurulub.

Rusiya mediasının məlumatına görə, Novorossiyskdə ukrayna dronlarının hücumu nəticəsində neft anbarı və sahil obyektləri zədələnib.

Bununla yanaşı, Saratov vilayətinin qubernatorunun dediyinə görə, dron hücumları mülki infrastruktura ziyan vurub, Volqoqrad vilayətinin rəhbəri isə bildirib ki, hava hücumundan müdafiə sistemləri gecə saatlarında enerji infrastrukturuna yönəlmiş dron hücumunu dəf edib.