Rusiya qüvvələri ötən gecə Kiyevə irimiqyaslı hava hücumu həyata keçirib. Hücum nəticəsində dörd nəfər həlak olub, ən azı 19 nəfər yaralanıb.

Hücum yaşayış binalarına və infrastruktura ciddi ziyan vurub. Ukrayna mediasının məlumatına əsasən, şəhərdə elektrik enerjisi və su təchizatı ilə bağlı fasilələr yaranıb.

Paytaxtın hərbi administrasiyasının rəhbəri Timur Tkaçenkonun məlumatına görə, həlak olanlardan biri təcili tibbi yardım həkimi idi; o, şəhərətrafı ərazidə yerləşən mənzilə gəlmişdi və ardıcıl olaraq iki dronun zərbəsinə məruz qalıb.

Onun sözlərinə görə, Dnepr çayının şərq sahilində iki yaşayış binasına dron düşüb və bu, ciddi ziyana səbəb olub.

Paytaxtda beş saat ərzində hava həyəcan siqnalı davam edib.