Rusiyada bildirirlər ki, Ural Federal Dairəsinin bütün regionlarında ilk dəfə raket hücumu təhlükəsi elan edilib

Ural Federal Dairəsinin bütün regionlarında ilk dəfə olaraq raket hücumu təhlükəsi elan edilib, – bu barədə Rusiya Prezidentinin səlahiyyətli nümayəndəsi Artyom Joqa bildirib.

Ural Federal Dairəsinin hər altı — Kurqan, Sverdlovsk, Çelyabinsk və Tümen vilayətlərində, həmçinin uzaq Xanti-Mansi və Yamalo-Nenets muxtar dairələrində raket həyəcanı elan edilib.

Bu, həmçinin Tümen vilayəti və Yamalo-Nenets muxtar dairəsində raket təhlükəsinin elan edildiyi ilk haldır.

Mümkün hadisələr barədə hələlik rəsmi məlumat yayılmayıb.

Məlumat üçün bildirək ki, Ural bölgəsinin cənub sərhədlərindən Rusiya-Ukrayna sərhədinə qədər olan məsafə 2000 kilometri aşır.