Rusiya Xarici İşlər Nazirliyinin məlumatına görə, Rusiya ilə Ukrayna arasında yazışma kanalı yaradılıb

Rusiya ilə Ukrayna arasında nota yazışması kanalı yaradılıb, – bu barədə Rusiya Xarici İşlər Nazirliyinin MDB( Müstəqil Dövlətlər Birliyi ) ölkələrinin ikinci departamentinin direktoru Aleksey Polişçuk bildirib.

Rusiyalı diplomatın dediyinə görə, Moskva və Kiyev Belarusun paytaxtı Minskdəki iki ölkənin səfirlikləri vasitəsilə nota yazışması aparırlar.

Aleksey Polişukun dediyinə görə, rabitə kanalı əsasən hüquqi və konsulluq məsələləri üzrə işləyir. Kiyevlə birbaşa danışıqların şərtlərindən danışarkən Polişçuk vurğulayıb ki, Moskva müasir reallığı nəzərə alan və münaqişənin əsas səbəblərinin aradan qaldırılmasına gətirib çıxaracaq ciddi təkliflərin müzakirəsinə açıqdır.