Rusiya Təhlükəsizlik Xidmətində, Daria Duqinanın qətlinin Ukrayna xüsusi xidmət orqanları tərəfindən hazırlandığı və qətli törədən şəxsin hazırda Estoniyada olduğu deyilir

 
Rusiya Federal Təhlükəsizlik Xidmətində, Daria Duqinanın qətlinin Ukrayna xüsusi xidmət orqanları tərəfindən hazırlandığı deyilir. Məlumatı rus mətbuatı yayır.

“Təxirəsalınmaz əməliyyat-axtarış tədbirləri nəticəsində Federal Təhlükəsizlik Xidməti 1992-ci il təvəllüdlü rus jurnalist Daria Duqinanın qətlinin üstünü açıb. Cinayəti Ukrayna xüsusi xidmət orqanları hazırlayıb və həyata keçirib. Qətli həyata keçirən Ukrayna vətəndaşı, 1979-cu il təvəllüdlü Natalia Vovkidir”- deyə təhlükəsizlik xidmətinin məlumatında bildirilir.

Təhlükəsizlik xidmətinin məlumatında, Natalia Vovkinin bu ilin iyulun 22-də qızı Sofiya Şabanla birlikdə Rusiyaya gəldiyi deyilir.

“Qətlin törədildiyi gün Vovki və Şaban Duqinanın fəxri qonaq qismində qatıldığı “Ənənə” ədəbi-musiqi festivalında olublar. Avqustun 21-də Duqinanın idarə etdiyi “Toyota Land Cruiser Prado” markalı avtomobil partladıqdan sonra Vovki və qızı Pskov vilayətindən keçərək Estoniyaya köçüblər”- deyə təhlükəsizlik xidmətindən açıqlanıb.