Luqanskda Starobelsk tələbə yataqxanasına edilən hücum nəticəsində həlak olanların sayı 21-ə yüksəlib. Bu barədə Rusiya mediası xəbər verir.

Medianın məlumatına görə, hadisə yerində axtarış-xilasetmə işləri başa çatıb və bütün cəsədlər dağıntılar altından çıxarılıb.

Hücum zamanı həlak olanların xatirəsinə hörmət əlaməti olaraq 24 və 25 may tarixləri matəm günü elan edilib.

Mediyanın yazdığına görə, sağ qalan tələbələr dronların onların başı üzərində uzun müddət uçduğunu və dəqiq hədəf aldığını bildirirlər.

Bundan əvvəl Rusiya Prezidenti Vladimir Putin Ukraynanı tələbə yataqxanasına hücumda ittiham edib və hərbçilərə cavab tədbirləri hazırlamağı tapşırıb. Putinin bildirdiyinə görə, hücum təsadüfi olmayıb və o, bunu terror aktı adlandırıb.