Rusiya Kiyevə ballistik raketlər və dronlarla hücum həyata keçirib. Ukrayna mediasının məlumatına görə, ilkin məlumatlara əsasən, hücum nəticəsində iki nəfər həlak olub, 44 nəfər isə yaralanıb. Medianın məlumatına görə, yaralılardan 28-i xəstəxanadadır, o cümlədən vəziyyəti orta ağır olan iki uşaq. Yaralılardan üçünün vəziyyəti ağırdır.

Eyni məlumata əsasən, paytaxtın müxtəlif rayonlarında əhali ən azı on güclü partlayış barədə məlumat veriblər. Ukrayna tərəfi əhaliyə sığınacaqlarda qalmağı tövsiyə edir və onları gözlənilən hücumlarla bağlı xəbərdar edir.

Şevçenko rayonunda raketin qalıqları 24 mərtəbəli yaşayış binasına düşüb, nəticədə dağıntı qeydə alınıb. Həmçinin, rayonda yerləşən məktəb binasının ikinci mərtəbəsində yanğın baş verib.

Solomenski rayonunda pilotsuz uçuş aparatı 24 mərtəbəli yaşayış binasına çırpılıb. Yanğın 20-ci mərtəbədə baş verib. Həmçinin fərdi evə ziyan dəyib. Darnitski rayonunda da qalıqlar çoxmərtəbəli binanın damına düşüb.