Rusiya idarəolunan aviasiya bombaları ilə Xolodnoqorsk rayonuna zərbələr endirib, hadisə nəticəsində bir nəfər həlak olub, xəsarət alanlar var

Rusiya ordusu idarəolunan aviasiya bombaları ilə Xarkovun Xolodnoqorsk rayonuna zərbələr endirib. Hadisə nəticəsində bir nəfər həlak olub, xəsarət alanlar da var, o cümlədən 6 yaşlı uşaq.

Məlumatı Xarkovun meri İqor Terexov və Xarkov Vilayət Hərbi Administrasiyasının rəhbəri Oleq Sinequbov sosial şəbəkələrdə yayırlar.

Daha sonra Ukrayna hakimiyyəti bombanın ikimərtəbəli yaşayış evinə düşdüyünü dəqiqləşdirib.

“Dağıntılar altında dörd nəfərin ola biləcəyi ehtimal edilir. Hazırkı mərhələdə beş yaralı barədə məlumat var”, – deyə Xarkov meri bildirib.