Rumıniyada elektrik enerjisi istehsalının azalması səbəbindən avqust ayı ərzində fövqəladə vəziyyət elan edilib

Rumıniyada avqust ayının bütün dövrü üçün ölkə miqyasında fövqəladə vəziyyət elan edilib. Buna səbəb Dunay çayında su səviyyəsinin rekord həddə enməsi nəticəsində elektrik enerjisi istehsalının azalmasıdır. Bu səbəbdən ölkənin nüvə reaktorlarından birinin fəaliyyəti dayandırılıb.

Rumıniyanın Baş naziri İlie Bolojanın bildirdiyinə görə, hökumət su axınının istiqamətini müvəqqəti olaraq kanal vasitəsilə dəyişmək və ikinci nüvə reaktorunun elektrik sistemi ilə əlaqəsini saxlamaq məqsədilə Dunay çayında mühəndislik işlərinin aparılması üçün maliyyə vəsaiti ayırıb.

Rumıniyanın Baş nazirinin sözlərinə görə, tələbatın pik saatlarında, ehtiyac yarandıqda elektrik enerjisinin idxalını təmin etmək üçün Ukrayna və qonşu ölkələrlə də danışıqlar aparılır.

“Bu günlərdə “Transelectrica” və “Nuclearelectrica” şirkətləri, xüsusilə axşam saatları üçün, Ukrayna ilə elektrik enerjisinin tədarükünə dair danışıqlar aparacaqlar. Bununla yanaşı, axşam pik saatlarında ölkədaxili tələbatı maksimum dərəcədə ödəmək üçün Bolqarıstan, Yunanıstan və regionun digər bazarları ilə danışıqlar aparırıq”, – deyə Bolojan bildirib.