Rumıniya prezidenti Nikuşor Dani bildirir ki, Moldovanın Avropa İttifaqına üzvlüklə bağlı danışıqlara 4 iyulda başlayacağını deyərkən səhv etdiyini deyib. Bu barədə “Azadlıq Radiosu”nun Moldova xidməti məlumat  yayır.

Rumıniya prezidenti dünən Brüsseldə, Avropa İttifaqı sammitindən əvvəl jurnalistlərə bildirib ki, 4 iyulda Avropa İttifaqı ilə Moldova arasında ilk sammit keçiriləcək və Avropa İttifaqına üzvlüklə bağlı danışıqların ilk fəsli rəsmi olaraq açılacaq.

“Bu, bir səhv idi,” – Nikuşor Dani jurnalistlərdən biri həmin mövzu barədə daha ətraflı danışmağı xahiş etdikdən sonra qeyd edib.

İyulun 4-də Moldova və Avropa İttifaqı arasında sammitin keçirilməsi planlaşdırılır. Sammitdə ölkə prezidenti Maya Sandu, Avropa Komissiyasının prezidenti Ursula fon der Layen və Avropa Şurasının prezidenti Antonio Koşta iştirak edəcək. Görüşün gündəliyi hələlik məlum deyil. Avropa İttifaqı sammitinin bəyanatında Ukrayna və Moldova ilə üzvlük danışıqlarının başlanma tarixləri göstərilməyib.

Məlumat üçün bildirək ki, Macarıstan Ukraynanın Avropa İttifaqına üzv olmasına qarşıdır.