Rumıniya prezidenti ölkə ərazisi üzərində daha bir pilotsuz uçuş aparatının vurulduğunu bildirir
Rumıniya prezidenti Nikuşor Dan ölkə ərazisi üzərində daha bir pilotsuz uçuş aparatının vurulduğunu bildirib.
“Rumıniya Hərbi Hava Qüvvələrinin F-16 qırıcısı Rumıniyanın ərazi sularında yeni bir pilotsuz uçuş aparatını vurub”, – deyə Rumıniya Prezidenti qeyd edir.
Onun izah etdiyinə görə, Baş Prokurorluğun araşdırmasına əsasən, ötən həftə vurulan dron Rusiyanın Ukraynaya qarşı müharibədə istifadə etdiyi “Şahed” tipli pilotsuz uçuş aparatıdır. Bu gün və ötən gecə vurulan dronlarla bağlı istintaq hələ də davam edir.
“Rumıniyanın Rusiya Federasiyasına qarşı diplomatik etirazı bu araşdırmaların nəticələrinə əsaslanacaq“, – Nikuşor Dan bildirib.
Rumıniya prezidenti qeyd edib ki, Rusiya tərəfindən Rumıniyanın, eyni zamanda NATO və Avropa İttifaqının hava məkanının pozulması qəbuledilməzdir.