Roma Papası XIV Leo Pasxa liturgiyası zamanı möminləri dünyadakı münaqişələrə laqeyd yanaşmamağa və sülh üçün çalışmağa çağırıb.

Roma Papasının dediyinə görə, etibarsızlıq və qorxu insanları bir-birindən ayırmağa, müharibə, ədalətsizlik və xalqların, millətlərin təcridi yolu ilə əlaqələri kəsməyə imkan verib.

“Gəlin iflic vəziyyətə düşməyə imkan verməyək!” – Roma Papası Müqəddəs Pyotr Bazilikasında Pasxa liturgiyası üçün toplaşan möminlərə müraciət edib.

Roma Papası Leo ayin zamanı konkret münaqişələrdən bəhs etməyib.

Məlumat üçün bildirək ki, ötən həftə Roma Papası bildirib ki, Tanrı müharibələrə başlayan və “əlləri qana bulaşmış” liderlərin dualarını qəbul etməyəcək. 31 martda Roma Papası ABŞ prezidenti Donald Trampı müharibəyə son qoymaq üçün yol tapmağa çağırıb.

Roma Papası 5 aprel tarixində Müqəddəs Pyotr meydanında bayram ayini keçirəcək və xüsusi bir mesajla çıxış edəcək.