Dünyanın ən dəhşətli nüvə fəlakətinin 40-cı ildönümündə Roma Papası Leo güclü texnologiyaların riskləri barədə danışıb.

Roma Papası Çernobil qəzasının bəşəriyyətin kollektiv vicdanında iz buraxdığını bildirib.

Qərb mediasının qiymətləndirməsinə görə, Rusiyanın dörd ildir davam edən müharibəsinin bu cür faciələrin təkrarlanmasına səbəb ola biləcəyi ilə bağlı narahatlıq var.

“Bu gün bəşəriyyətin vicdanında iz buraxan Çernobil qəzasının qırxıncı ildönümüdür və getdikcə daha güclü texnologiyaların istifadəsi ilə bağlı risklər barədə xəbərdarlıq olaraq qalır. Qurbanları və hələ də onun nəticələrindən əziyyət çəkənləri Allahın mərhəmətinə əmanət edirik. Ümid edirəm ki, qərarların qəbul olunduğu bütün səviyyələrdə hər zaman ehtiyatlılıq və məsuliyyət qalib gələcək və nüvə enerjisinin hər hansı istifadəsi həyatın və sülhün xidmətində olacaq”, – deyə Roma Papası qeyd edib.