Avropa Parlamentinin prezidenti Roberta Metsola bildirib ki, Avropa Parlamenti Ukrayna ilə gündəlik əməkdaşlıq məqsədilə Kiyevdə daimi nümayəndəlik açacaq.

Ukrayna mediasının məlumatına görə, Metsola bu barədə Ali Radada çıxışı zamanı bildirib.

Avropa Parlamenti prezidentinin sözlərinə görə, onun Kiyevə səfərinin məqsədi Ukrayna ilə əməkdaşlığı gücləndirməkdir.

“Biz Ukraynada olmaq və burada, hər gün sizinlə bərabər işləmək üçün Kiyevdə Avropa Parlamentinin daimi nümayəndəliyini açırıq”, – Metsola bildirib.

Onun sözlərinə görə, bu, Avropanın Ukrayna xalqı qarşısında öhdəliyi idi və o, yerinə yetirir.

“Biz buradayıq, sizinləyik və buradayıq ki, burada qalaq. Həmçinin bildiririk: siz heç vaxt tək getməyəcəksiniz. Sülh bərqərar olandan sonra da, bərpa və quruculuq prosesində sizin yanınızda olmağa davam edəcəyik”, – bu gün Ukraynanın paytaxtına gələn Avropa Parlamentinin prezidenti qeyd etdi.