Slovakiyanın baş naziri Robert Fitso bildirir ki, Ukraynanın Avropa İttifaqına üzv olması ölkələr arasında əməkdaşlığı gücləndirəcək.

Ukrayna mediasının məlumatına görə, Fitso bu barədə Ukrayna-Slovakiya hökumətlərarası birgə məsləhətləşmələrin açılışında bildirib.

Fitsonun dediyinə görə, onun ölkəsi Ukraynanın Avropa İttifaqına üzvlüyünü dəstəkləyir.

“Sərhəd əməkdaşlığı və Ukraynanın Avropa İttifaqına inteqrasiyası prioritetdir. Bu barədə biz heç vaxt fərqli bir şey deməmişik. Ölkəniz qərar veribsə və gələcəyini Avropa İttifaqında görürsə, biz də inanırıq ki, sizin üzvlüyünüz regionda sabitliyə töhfə verəcək və ikitərəfli münasibətlərimizə yeni təkan verəcək”, – Slovakiyanın baş naziri bildirib.

Bununla yanaşı, Robert Fitsonun bildirdiyinə görə, Ukraynanın Avropa İttifaqına üzvlüyündən sonra Kiyev ilə Bratislava arasındakı əməkdaşlıq indikindən daha intensiv olacaq.

Ukraynanın NATO-ya daxil olması məsələsinə gəlincə, Fitsonun dediyinə görə, bu barədə ölkələr arasında fərqli fikirlər mövcuddur.