Rikoti sürətli yolunun 4 km-lik hissəsində şərq-qərb istiqamətində iki zolağın tikintisi başa çatıb və avtonəqliyyatın hərəkəti açılıb

13:48, 28.06.2025

Rikotinin 4 zolaqlı sürətli yolunun şərq-qərb istiqamətində qalan 4 km-lik hissəsində 2 zolağın tikintisi başa çatıb və avtonəqliyyatın hərəkəti bu gün açılıb. Bu barədə İnfrastruktur Nazirliyi məlumat yayır.

Qurumun məlumatına görə, yeni 2 zolaqda hər iki istiqamətdə nəqliyyat hərəkəti müvəqqəti olaraq yönləndiriləcək: bir zolaq şərqdən qərbə doğru hərəkət edən nəqliyyata xidmət edəcək, digər zolaq isə qərbdən şərqə doğru hərəkət edən nəqliyyata ayrılacaq.

“Hərəkət dəyişdirildikdən dərhal sonra, həmin hissədə köhnə yolun magistral yola çevrilməsi və yenidən qurulması işlərinə başlanacaq. Layihə çərçivəsində 2 zolaqlı sürətli yol və 5 yeni körpü inşa ediləcək.

İşlər başa çatdıqdan sonra 52 km-lik Rikoti magistral yolu avtonəqliyyat üçün tam açıq olacaq ki, bu da nəqliyyatın hərəkətini xeyli yaxşılaşdıracaq.

Rikoti magistral yolunun tikintisi layihəsi çərçivəsində ümumilikdə 52 km-lik 4 zolaqlı magistral yol (51 tunel və 97 körpü ilə) inşa edilir. Hazırda nəqliyyat artıq yeni 4 zolaqlı yolun 48 km-dən (50 tunel və 91 körpü ilə) istifadə edir, bu isə səyahət məsafəsini 8 km azaldıb və hərəkət vaxtını yarıbayarı qısaldıb.

Yeni yol beynəlxalq yol təhlükəsizliyi standartlarına uyğun inşa edilib və işıqlandırma sistemi ilə təchiz olunub.

Ümumilikdə, Rikotinin yeni magistral yolunun 96%-dən avtomobil nəqliyyatı artıq istifadə edir.

Rikoti magistral yolunun tikintisi Asiya İnkişaf Bankı (ADB), Avropa İnvestisiya Bankı (EIB) və Dünya Bankının (WB) kreditləri və dövlət büdcəsinin birgə maliyyələşdirilməsi ilə həyata keçirilir. İşlərin ümumi dəyəri təxminən 2.6 milyard lariyə gədər təşkil edir.

Müəllif - Nino Pashayeva

İctimaiyyət

Region