“Reuters” – Rusiya ticarət şirkətləri vasitəsilə Yaponiyadan aviasiya yanacağı idxal etməyi planlaşdırır

Rusiya ticarət şirkətləri vasitəsilə Yaponiyadan aviasiya yanacağı idxal etməyi planlaşdırır, – “Reuters” agentliyi mənbələrə istinadən məlumat yayır.

Agentliyin məlumatına görə, Ukraynanın Rusiyanın energetika infrastrukturuna etdiyi hücumlardan sonra Moskva ölkə daxilində yanacaq böhranı ilə mübarizə aparır.

“Reuters” mənbələrinin məlumatına görə, böyük ehtimalla iyulun ilk yarısında Yaponiyanın Çiba limanından ən azı 200 000 barrel təyyarə yanacağı yüklənəcək, əvvəlcə Cənubi Koreyaya, daha sonra isə vasitəçi ticarət şirkətləri vasitəsilə Rusiyaya göndəriləcək.

Mənbələrin məlumatına görə, yük bir tankerdən digərinə yüklənəcək və dəniz yolu ilə Rusiyaya göndəriləcək.

“Reuters” yazır ki, Moskva Ukraynanın Rusiyanın neft emalı zavodlarına və anbarlarına dron hücumları nəticəsində yaranan yanacaq böhranı fonunda yanacaq alışına məhdudiyyətlər tətbiq edir. Mənbələrin bildirdiyinə görə, rusiyalı fermerlər bu il məhsul yığımını həyata keçirə bilməyəcəklərindən qorxurlar.