“Reuters” və “İpsos” tərəfindən keçirilən sorğuya görə, ABŞ prezidentinin reytinqi son bir neçə gündə aşağı düşüb.

Sorğuya görə, reytinqin aşağı düşməsinə səbəb yanacaq qiymətlərinin kəskin artması və İranla müharibə olub.

Dörd günlük sorğuya görə, amerikalıların yalnız 36%-i Trampın fəaliyyətini dəstəkləyir, sorğu iştirakçılarının yalnız 25%-i isə hesab edir ki, Tramp yaşayış xərcləri ilə bağlı problemlərlə layiqincə mübarizə aparır.

Xüsusilə Respublikaçı seçicilərə gəlincə, “Reuters” yazır ki, bu halda hər beş nəfərdən biri Trampın fəaliyyətini bəyənmir və bu, ötən illə müqayisədə demək olar ki, dəyişməyib, lakin yaşayış xərclərinin idarə olunmasından narazı olan respublikaçıların sayı 34% təşkil edib.

Trampın reytinqi prezidentliyinin ilk günlərində 47% olub, keçən yaydan isə əsasən 40% ətrafında dəyişir.