“Reuters” – Donald Trampın sentyabr ayında Pakistana səfər edəcəyi gözlənilir

ABŞ prezidenti Donald Trampın sentyabrda Pakistana səfər edəcəyi gözlənilir. Bu barədə “Reuters” yerli mediaya istinadən məlumat yayır.

Məlumat təsdiqlənərsə, bu, ABŞ prezidentinin 2006-cı ildən sonra Pakistana ilk səfəri olacaq. Corc Buş Pakistana 2006-cı ildə səfər edib.

Pakistan Xarici İşlər Nazirliyinin sözçüsü Trampın gözlənilən səfəri ilə bağlı məlumatının olmadığını bildirib.

Medianın mənbələrə istinadən yazdığına görə, Tramp daha sonra Hindistana da səfər edəcək.