“Reuters” – Avropa İttifaqına üzv ölkələr Rusiyaya qarşı tətbiq edilən sanksiyaların müddətini altı ay uzadmağa razılaşıblar
Avropa İttifaqına üzv dövlətlər Ukraynadakı müharibə ilə əlaqədar Rusiyaya qarşı tətbiq olunan sanksiyaların altı ay müddətinə uzadılması barədə razılığa gəliblər, – bu barədə məlumatı media Avropa İttifaqına sədrliyi edən Danimarkaya istinadən yayır.
“Reuters”in məlumatına görə, 2500-dən çox Rusiya təşkilatı və fiziki şəxsi Aİ-nin sanksiyalar siyahısına əlavə edilib. Avropa İttifaqının ərazisinə daxil olmaq onlara qadağan edilib.
Nəşrin yazdığına görə, sanksiyaların uzadılması məsələsi tez-tez Avropa İttifaqı ölkələri arasında çıxılmaz vəziyyətə gətirib çıxarır, çünki Macarıstan tez-tez bəzi şəxslərin siyahıdan çıxarılmasını tələb edir. Bu halda isə rəsmi Budapeşt fərqli mövqe bildirməyib.
Avropa İttifaqına üzv ölkələr sanksiyaların hər altı aydan bir uzadılması məsələsini müzakirə edirlər.