Rəcəb Tayyib Ərdoğan – Rusiya tərəfindən müdaxilə edilən ərazilər Ukraynaya qaytarılacaq

Rusiya tərəfindən müdaxilə edilən ərazilər Ukraynaya qaytarılacaq-bu barədə Türkiyə prezidenti Rəcəb Tayyib Ərdoğan PBS News Hour-a müsahibəsində bildirib.

Jurnalist Türkiyə liderindən münaqişənin tənzimlənməsi çərçivəsində Rusiyaya fevralda Ukraynaya müdaxilədən sonra işğal etdiyi ərazilərin bir hissəsini saxlamağa icazə verilməli olub-olmadığını soruşub.

“Xeyr, şübhəsiz yox. Qarşılıqlı razılaşmadan danışarkən bu, bunu nəzərdə tutur. Əgər Ukraynada sülh bərqərar olarsa, təbii ki, müdaxilənin edildiyi torpağın qaytarılması çox vacib olacaq. Gözlənti budur. İstədikləri budur. Cənab Putin aydın addımlar atıb. Biz müəyyən addımlar atmışıq. İşğal edilmiş torpaqlar Ukraynaya qaytarılacaq” – deyə Ərdoğan bildirib.

Krımla bağlı sualı cavablandıran Ərdoğan bildirib ki, 2014-cü ildən sonra Vladimir Putindən Krımı qanuni sahibinə qaytarmağı xahiş edir.

Türkiyə prezidenti həmçinin istənilən müdaxilənin əsassız olduğunu bildirib.