Rəcəb Tayyib Ərdoğan – Cənubi Qafqazda uzunmüddətli sabitliyin təmin edilməsi üçün səylərimizi davam etdiririk

Biz Cənubi Qafqazda uzunmüddətli sabitliyin təmin edilməsi üçün səylərimizi davam etdiririk, – bu barədə Türkiyə prezidenti Rəcəb Tayyib Ərdoğan Antalya Diplomatik Forumunda bəyan edib.

Türkiyə prezidentinin söylədiyinə görə, Ankara Şərqi Aralıq dənizində, Egey dənizində sülh və sabitliyi təmin etməyə çalışır, qonşu Yunanıstanla müsbət atmosferin saxlanmasına kömək edir.

Rəcəb Tayyib Ərdoğanın söylədiyinə görə, Türkiyə Balkanlarda baş verən prosesləri fəal şəkildə izləyir və region ölkələri ilə sıx əməkdaşlıq edir.

Türkiyə prezidenti həmçinin deyib ki, Mərkəzi Asiya ölkələri Türkiyənin xarici siyasətində öz yerlərini gücləndirirlər.

Rəcəb Tayyib Ərdoğan qeyd edib ki, Türkiyə Ukrayna, Suriya, Liviya və Qəzza kimi yaxın qonşuluğunda davamlı sülh və sabitlik üçün çalışır.

“Bütün səmimiyyətimlə qeyd etmək istəyirəm ki, bizim gözümüz heç kimin torpağında, heç kimin suverenliyində və ya resurslarında deyil. Torpağın altında nə olduğu bizi maraqlandırmır. Biz yerin üstündə olanı ilə maraqlanırıq, biz insanlarla maraqlanırıq, insanların həyatı ilə maraqlanırıq”, – Türkiyə prezidenti bəyan edib.