Rəcəb Tayyib Ərdoğan 2023-cü ildə sonuncu dəfə prezidentliyə namizədliyini irəli sürəcəyini açıqlayıb

 
Rəcəb Tayyib Ərdoğan 2023-cü ildə sonuncu dəfə prezidentliyə namizədliyini irəli sürəcəyini açıqlayıb. Bu barədə bəyanatı Türkiyənin lideri Samsun şəhərinə səfəri zamanı verib.

“2023-cü ildə xalqımızın dəstəyi və son dəfə adımıza aldığımız güclə türk əsrinin quruculuğuna başlayacağımıza ümid edirəm” – deyə Ərdoğan açıqlayıb.

Türkiyə prezidenti daha sonra estafeti gənclərə ötürəcəyini söyləyib.

Ərdoğan çıxışında hakim Ədalət və İnkişaf Partiyasının Türkiyəni dünya səhnəsində aparıcı oyunçuya çevirdiyini bildirib.