Rəcəb Tayyib Ərdoğan – Ukraynanı NATO-ya dəvət etmək sürət tələb edən məsələ deyil, ABŞ və alyansın bəzi ölkələri Ukraynanın NATO-ya üzv olmasını istəmir

Türkiyə prezidenti Rəcəb Tayyib Ərdoğan bildirir ki, Ukraynanı NATO-ya dəvət etmək sürətin tələb olunduğu məsələ deyil. Onun dediyinə görə, ABŞ və alyansın bəzi ölkəsi Ukraynanın NATO-ya üzv olmasını istəmir.

Bu barədə Ərdoğan NBC News-a müsahibəsində bildirdi.

“Bunlar sürət tələb edən məsələlər deyil. Biz qərarlar qəbul edərkən hər zaman NATO-ya üzv olan digər ölkələrin mövqelərini nəzərə alırıq, biz danışıqlar masası arxasında bütün mümkün məsələləri nəzərdən keçiririk və müvafiq olaraq yekun qərarı qəbul edirik”, – Türkiyə lideri bildirdi.

Rəcəb Tayyib Ərdoğan həmin müsahibəsində Türkiyə ilə Rusiya arasında əlaqələrin genişləndiyini qeyd etdi.

“Rusiya ilə bizim münasibətlərimiz çoxşaxəli, siyasi, iqtisadi, həmçinin müdafiə sənayesi ilə bağlıdır. Bu əlaqələrin çox ölçüləri var, bizim əlaqələrimiz davam edir və iqtisadi baxımdan bu əlaqələr hər gün genişlənir”, – deyə Rəcəb Tayyib Ərdoğan bildirdi.

Xatırladaq ki, Ukrayna prezidenti aparatının rəhbəri Andrey Yermak prezident Zelenskinin hazırladığı “qələbə planı”na Ukraynanın NATO-ya dəvət edilməsini ehtiva etdiyini bildirdi.