Türkiyə prezidenti Rəcəb Tayyib Ərdoğan Gürcüstanın baş naziri İrakli Kobaxidzeni Gürcüstanın Müstəqillik Günü münasibətilə təbrik edir. Bu barədə hökumət administrasiyası məlumat yayır.

Qurumun məlumatına görə, Ərdoğan İrakli Kobaxidzeyə ünvanladığı təbrik məktubunda iki ölkə arasında strateji tərəfdaşlığa diqqət çəkir.

“Hörmətli Baş nazir, əziz dost, Gürcüstanın Müstəqillik Günü münasibətilə sizi və gürcü xalqını öz adımdan və türk xalqı adından ürəkdən təbrik edirəm.

İnanıram ki, strateji tərəfdaşlıqla bir-birinə bağlı olan ölkələrimiz hazırda olduğu kimi, gələcəkdə də regionun uğuru, sabitliyi və dirçəlişi naminə birgə səylərini davam etdirəcəklər.

Fürsətdən istifadə edərək bir daha sizə cansağlığı və xoşbəxtlik, dost Gürcüstan xalqına firavanlıq arzulayıram”, – Ərdoğanın təbrik məktubunda deyilib.