Türkiyə prezidenti Rəcəb Tayyib Ərdoğan Azərbaycan və Ermənistan arasında sülhün bölgədə yeni imkanlar pəncərəsi açacağını bildirib.

Türkiyə lideri bu barədə “İqtisadi Əməkdaşlıq Təşkilatı”nın sammitində iştirak etmək üçün Azərbaycandan Türkiyəyə səfər etdikdən sonra bildirib.

“Ermənistan və Azərbaycanın quracağı sülh bölgədəki iqlimi dəyişəcək. Bunun sayəsində bir-birinin ardınca açılan yeni tarixi fürsət pəncərələrinin şahidi olacağıq”, – Rəcəb Tayyib Ərdoğan bildirib.

Türkiyə lideri Zəngəzur dəhlizi layihəsinin icrasından da danışıb.

“Düzdür, Ermənistan əvvəlcə Zəngəzur dəhlizinə qarşı çıxırdı, lakin indi Yerevan iqtisadi inteqrasiyada iştirak baxımından daha çevik yanaşma nümayiş etdirir. Zəngəzur dəhlizi təkcə Azərbaycana deyil, bütün bölgəyə yeni imkanlar gətirəcək. Biz bu xətti geoiqtisadi inqilab kimi qiymətləndiririk”, – Türkiyə prezidenti bildirib.

Türkiyə lideri həmçinin ümidvar olduğunu bildirib ki, Azərbaycanla Rusiya arasında son günlər yaranmış gərginlik Moskva ilə Bakı arasında münasibətlərə düzəlməz zərər vurmayacaq.

“Türkiyənin həm Azərbaycanla, həm də Rusiyayla dərin diplomatik və strateji əlaqələri var. Biz gərginliyi diqqətlə izləyirik və təmkinli davranmağa çağırırıq. Bizim ən böyük arzumuz odur ki, baş verən xoşagəlməz hadisələr Rusiyanın və Azərbaycanın münasibətlərinə düzəlməz ziyan vurmasın”, – Türkiyə prezidenti bildirib.