Polşanın xarici işlər naziri Radoslav Sikorski bildirir ki, Rusiya rus dronlarının Polşanın hava məkanına daxil olması ilə bağlı yalan danışır.

O qeyd edir ki, Rusiya hakimiyyətinin nümayəndələri rus dronlarının Polşanın hava məkanına daxil olması ilə bağlı bir-birini təkzib edən bəyanatlar verirlər.

“Rusiya hökuməti ehtimal edir ki, rus dronları Polşanın hava məkanını səhvən pozub, lakin Rusiya səfirinin BMT-də dediyinə görə, dronların Polşaya çatması fiziki cəhətdən mümkün deyil. Hansı Rusiya yalanına inanmalıyıq?” – Radoslav Sikorski yazır.

Xatırladaq ki, dünən BMT Təhlükəsizlik Şurasının iclasında Rusiya səfiri Vasili Nebenzia Polşanın hava məkanının pozulması ilə bağlı Moskvaya qarşı ittihamları əsassız adlandırıb və o bildirib ki, Rusiya tərəfindən istifadə olunan dronların fəaliyyət radiusu 700 kilometr təşkil edirdi.