Qivi Mikanadze Milli Elmlər Akademiyasının prezidenti Roin Metreveli və akademiyanın üzvləri ilə görüşüb

13:31, 12.07.2025

Gürcüstanın Təhsil, Elm və Gənclər naziri Qivi Mikanadze Milli Elmlər Akademiyasının prezidenti Roin Metreveli və akademiyanın üzvləri ilə görüş keçirib. Məlumatı Təhsil, Elm və Gənclər Nazirliyi yayır.

Qurumun məlumatına görə, görüşdə tərəflər elm və tədqiqatın inkişafının təşviqi, həmçinin akademik mühitdə əməkdaşlığın dərinləşdirilməsi istiqamətində gələcək planları və həyata keçiriləcək layihələri müzakirə ediblər.

“Diqqət fundamental və tətbiqi tədqiqatların dəstəklənməsinin əhəmiyyətinə, gənc alimlərin təşviqinə və gürcü alimlərinin beynəlxalq səviyyədə tanınmasının artırılmasına yönəldilib.

Qeyd olunub ki, elmi ekspertizanın ictimai siyasətin formalaşdırılması prosesinə inteqrasiyası və dövlət qurumları ilə akademik-elmi sektor arasında səmərəli əlaqələrin qurulması vacibdir.

Görüş çərçivəsində birgə təşəbbüslərin hazırlanması planlaşdırıldı ki, bu da Gürcüstanda elm və təhsil sisteminin strateji inkişafına daha da töhfə verəcək.

Görüşdə həmçinin Gürcüstanın Təhsil, Elm və Gənclər nazirinin müavini Zviad Qabisonia və Elmin İnkişafı Departamentinin rəhbəri Ketevan Kokraşvili də iştirak edirdi”, – nazirliyin məlumatında qeyd olunub.

Müəllif - Nino Pashayeva

İctimaiyyət