Ali təhsil sistemində islahatlar çərçivəsində Gürcüstanın Təhsil, Elm və Gənclər naziri Qivi Mikanadze dövlət universitetlərinin və elmi sahənin nümayəndələri ilə görüşlər keçirməyə davam edir.

Növbəti görüş Kutaisi Akaki Tsereteli adına Dövlət Universitetində keçirilib və nazir iştirakçı ictimaiyyətlə birlikdə islahatın həyata keçirilmə mərhələlərini və hazırkı dəyişikliklərlə bağlı məsələləri müzakirə edib.

Qivi Mikanadze islahat çərçivəsində regional universitetlərin əhəmiyyətindən danışıb və Akaki Tsereteli adına Dövlət Universitetinin Kutaisinin təhsil mərkəzi kimi qurulmasındakı roluna diqqət çəkib.

Görüş sual-cavab formatında keçirilib və iştirakçılar suallarına ətraflı cavab almaq imkanı əldə ediblər.

Tədbirdə ictimaiyyətə həmçinin, Təhsil, Elm və Gənclər nazirinin müavini Zviad Qabisonia, Kutaisi meri Davit Eremeişvili, Kutaisi Bələdiyyə Şurasının sədri Qiorqi Çiğvaria və Kutaisi Akaki Tsereteli adına Dövlət Universitetinin rektoru Şalva Kirtadze müraciət edib.

Təhsil Nazirliyinin mətbuat xidməti məlumat yayır.