Qivi Mikanadze dövlət kolleclərinin direktorları ilə görüşüb
Gürcüstanın təhsil, elm və gənclər naziri Qivi Mikanadze nazirliyin təsis etdiyi kolleclərin direktorları ilə tanışlıq xarakterli görüş keçirib.
Nazir görüş iştirakçıları ilə danışarkən peşə təhsilinin inkişafının təşviqinə diqqət yetirdi və ölkə iqtisadiyyatının inkişafı məqsədilə kolleclərin dəstəyinin vacibliyini vurğuladı.
Qeyd olunub ki, peşə təhsili sisteminin spesifikasından irəli gələrək, tələbələrə real iş mühitində praktiki biliklərin verilməsi nəzərdə tutulduğuna görə, özəl bizneslə əməkdaşlığın gücləndirilməsi vacibdir. Bu istiqamətdə, nazirin qeyd etdiyi kimi, nazirlik daha səmərəli tərəfdaşlıq mexanizmlərinin hazırlanması üçün təsirli addımlar atmağa davam edir.
Görüş çərçivəsində iştirakçılar aktual məsələləri, mövcud çağırışları və onların həlli yollarını müzakirə etdilər.
“Aisi” kollecində keçirilən görüşdə Gürcüstan parlamentinin Təhsil, elm və gənclərlə iş üzrə komitəsinin sədri Mariam Laşxi iştirak edirdi.
Məlumatı Təhsil Nazirliyinin mətbuat xidməti yayır.