“Qaxaria – Gürcüstan üçün” partiyasının lideri Qiorqi Qaxaria Almaniya Sosial Demokrat Partiyasının konqresində iştirak edir.

Qiorqi Qaxaria bu barədə sosial şəbəkədə yazıb.

Onun sözlərinə görə, o, Bundestaqın Avropa məsələləri komitəsi sədrinin müavini İohanes Şrapsla görüşmək imkanı əldə edib.

“Almaniyada Almaniya Sosial-Demokrat Partiyasının (SPD) qurultayında iştirak edirəm. Bu tədbir Gürcüstanda artmaqda olan avtoritarizm böhranı fonunda keçirilir. Həmkarlarımla, o cümlədən Bundestaqın Avropa məsələləri komitəsinin sədrinin müavini İohanes Şrapsla görüşmək imkanım oldu. Biz “Gürcü Arzusu” tərəfindən müxalifət liderlərinin siyasi motivli təqibini, müstəqil mediaya və vətəndaş cəmiyyətinə təzyiqi, siyasi məhbusların azad olunmasının təcili zərurətini, eləcə də “Gürcüstan üçün” partiyasının Avropa Sosialist Partiyası (PES) ailəsinin üzvü olmaq planlarını müzakirə etdik və bu məsələnin payızda nəzərdən keçirilməsi planlaşdırılır. Almaniyalı tərəfdaşlarımıza göstərdikləri güclü dəstəyə görə minnətdarıq”, – Qiorqi Qaxaria yazıb.