Qiorqi Kalandarişvili - Seçkilər ümumi işdir və məhz buna görə də, ilk növbədə seçicilərə müraciət edirəm ki, fəal olsunlar, seçkilərə gəlsinlər və öz seçmək hüquqlarından istifadə etsinlər

12:33, 03.10.2025

MSK sədri Qiorqi Kalandarişvilinin sözlərinə görə, sabah, oktyabrın 4-də, bələdiyyənin nümayəndə orqanı olan şəhər şurası və özünüidarəetmə şəhəri/özünüidarəetmə icmasının merinə növbəti seçkilərdə Gürcüstan vətəndaşları həm proporsional, həm də majoritar sistemlə 64 bələdiyyə şurasının 2 058 üzvünü və 64 meri seçəcəklər. Bu barədə Qiorqi Kalandarişvili Mərkəzi Seçki Komissiyasında keçirilən brifinqdə bildirib.

Onun dediyinə görə, seçki prosesini 28 beynəlxalq və 27 yerli təşkilatın müşahidəçiləri, həmçinin 73 media vasitəsinin minə yaxın nümayəndəsi izləyəcək.

“Qeydiyyatdan keçmiş beynəlxalq təşkilatlar arasında müxtəlif ölkələrin səfirlikləri, eləcə də 21 ölkədən beynəlxalq təşkilatlar və seçki administrasiyalarının nümayəndələri var. Onlar.ın arasında Bolqarıstandan, Albaniyadan, Bosniya və Herseqovinadan, Macarıstandan, Slovakiyadan, Monteneqrodan, Türkiyədən və Moldovadan olanlar var.

Qeyd etmək lazımdır ki, bu gün gün ərzində müxtəlif ölkələrin seçki administrasiyaları və beynəlxalq təşkilatlarla işgüzar görüşlər keçiriləcək, bu görüşlər çərçivəsində mən iştirakçılara seçkilərlə bağlı onları maraqlandıran istənilən məsələ ilə bağlı məlumatı şəxsən təqdim edəcəyəm”, – Kalandarişvili qeyd edib.

Onun bildirdiyinə görə, oktyabrın 4-də keçiriləcək seçkilərdə 12 siyasi partiya qeydiyyatdan keçib.

Ölkə miqyasında ümumilikdə 3 061 seçki məntəqəsi açılıb, onlardan 2 284-də səsvermə elektron qaydada, 777 məntəqədə isə ənənəvi üsulla keçiriləcək. Onların arasında istisna olaraq yaradılmış on məntəqə var ki, onlar penitensiar müəssisələrdə yerləşir.

Bütün seçki məntəqələri seçiciləri qəbul etməyə hazırdır. Səsvermə prosesi səhər saat 08:00-da başlayacaq. Seçicilərin özləri ilə qüvvədə olan Gürcüstan vətəndaşının şəxsiyyət vəsiqəsi və ya pasportu olmalıdır. Səsvermə saat 20:00-da başa çatacaq, lakin bu vaxtda növbədə olan seçicilər səs verə bilərlər, bunun üçün isə seçki məntəqəsi komissiyasının sədri tərəfindən tapşırıq veriləcək və komissiyanın üzvlərindən biri növbədə olan seçiciləri qeydiyyata alacaq və onlar səsvermədə iştirak edə biləcəklər.

Seçki məntəqələri, fəaliyyətlər və digər tədbirlər və statistikalar haqqında ətraflı məlumat Mərkəzi Seçki Komissiyasının (MSK) veb saəhifəsində yerləşdiriləcək və həmçinin media nümayəndələrinə yayımlamaq məqsədilə təqdim olunacaq.

Seçki administrasiyası qanunvericiliyə uyğun, şəffaf və yüksək peşəkarlıq səviyyəsində seçkilərin idarə olunmasına hazırdır. İlk növbədə qeyd etmək istəyirəm ki, bu, seçki administrasiyasının elektron texnologiyalardan geniş miqyasda istifadə edəcəyi ilk bələdiyyə seçkiləridir və bu, prosedurların sürətini və sadəliyini əhəmiyyətli dərəcədə artıraraq şəffaflığı təmin edəcək.

4 oktyabr bələdiyyə orqanları seçkilərində seçicilərin ümumi sayı 3 513 818 nəfəri təşkil edir. Elektron texnologiyaların tətbiqi ilə seçkilərdə 3 130 348 seçici iştirak edəcək.

Qeyd etmək lazımdır ki, bu il ilk dəfə olaraq seçkilərdə iştirak imkanı təxminən 47 000 gəncə verilir. Onların məlumatlandırılması məqsədilə Mərkəzi Seçki Komissiyası bir sıra informasiya tədbirləri həyata keçirib.

Daşıma qutusu tələbiylə seçki administrasiyasına 60 754 seçici müraciət edib.

Seçkilərin idarə olunmasını təxminən 34 000 seçki administratori həyata keçirəcək.

Gün ərzində Mərkəzi Seçki Komissiyasının (MSK) kontakt mərkəzi – 2 51 00 51 işləyəcək. Həmçinin, media və seçki prosesində iştirak edən tərəflər üçün maraqlı mövzularda məlumat almaq imkanı verən media mərkəzi fasiləsiz rejimdə fəaliyyət göstərəcək.

İştirak edən tərəflərə qanunvericiliyə tam riayət etməyi və seçkilərin sakit şəraitdə keçirilməsinə töhfə verməyə çağırırıq”, – Qiorqi Kalandarişvili bildirib.

Müəllif - Nino Pashayeva

SEÇKİLƏR 2025

Siyasət