Gürcüstan hakimiyyətinin guya zəng mərkəzlərinin cinayətində iştirak etməsi mövcud olmayan reallıqdır – bu haqda parlamentin birinci vitse-spikeri Qia Volski bildirib.

Qia Volski Helsinki Komissiyasının “Gürcüstan hökuməti öz əməliyyatlarını maliyyələşdirmək və müxalifəti təqib etmək üçün bütün dünyada fəaliyyət göstərən fırıldaqçı zəng mərkəzlərindən aldığı qara pula arxalanır” deyilən bəyanatı ilə bağlı şərh verib.

“Bu, olduqca narahatedici bəyanatdır. Hamıya məlumdur ki, gürcü prokurorluğu avropalı prokurorlarla birlikdə bu cinayəti sübut etmək üçün zəng mərkəzləri ilə bağlı intensiv istintaq aparır. Hər şey onu göstərdi ki, avropalı təqaüdçülər qarət edilərkən “Milli Hərəkat”ın maliyyəçisi və əsl siyasi lideri Kezeraşvili bu cinayətdə iştirak edirdi. İstintaqla paralel olaraq çox nüfuzlu televiziya proqramı, icmal hazırlandı. Əlbəttə, hələ hüquqi rəylər qoyulmayıb, amma biz bu reallıqdayıq. Bu reallıqdan birdən-birə Gürcüstan hakimiyyətinin guya zəng mərkəzlərinin cinayətində iştirak etməsi kimi bu bəyanatın bizi apardığı mövcud olmayan reallığa keçirik. Bu onun göstəricisi deyilmi ki, bu çirkli pulların siyasi proseslərdə istifadə olunması seçkilərin tanınmamasına zəmin yaradacaq? Çünki çirkli pulları məhz qarşı tərəf istifadə edir və bu cür oriyentasiya dəyişikliyi narahatedici, düşündürücü və məyusedicidir. Gürcüstan hər zaman ABŞ-ın olduqca möhkəm və sadiq tərəfdaşı olub və ümid edirəm ki, münasibətlərimiz gələcəkdə də məhz belə davam edəcək” – Qia Volski qeyd edib.