Qəzza müharibəsində ABŞ-ın dəstəklədiyi atəşkəsi gücləndirmək üçün danışıqların “kritik” məqamdadır, – bu barədə Qətər Baş naziri Şeyx Məhəmməd bin Əbdülrəhman əl-Tani bildirib.

Qətər hökumətinin rəhbərinin sözlərinə görə, hazırda Qəzzada sadəcə fasilə var və bunu atəşkəs hesab etmək olmaz.

“Əgər İsrail qüvvələri tamamilə geri çəkilməsə, Qəzzada sabitlik olmasa və insanların sərbəst şəkildə daxil olub-çıxmaq imkanı təmin edilməsə, atəşkəs razılaşması yerinə yetirilə bilməz, bu isə hazırda baş vermir. “Hazırda biz — Qətər, Türkiyə, Misir və Birləşmiş Ştatlarla birlikdə — növbəti mərhələyə yol açmaq üçün toplaşırıq və bu növbəti mərhələ də bizim baxışımıza görə müvəqqətidir. Çünki əgər biz yalnız Qəzzada baş verən məsələyə, son iki ildə baş vermiş fəlakətə baxsaq, bu kifayət etməz. Bu münaqişənin öz kökləri var və bu münaqişə təkcə Qəzzaya aid deyil — bu, Qəzzaya aiddir, Qərb Sahilinə aiddir, fələstinlilərin öz dövlətlərini qurmaq hüquqlarına aiddir”, – Qətər baş naziri qeyd edib.