Qeka Qeladze İrəvana səfəri çərçivəsində Ermənistanın daxili işlər naziri Arpine Sarkisyanla görüşüb

Gürcüstan Dövlət Təhlükəsizlik Xidmətinin rəisi Qeka Qeladze İrəvana rəsmi səfəri çərçivəsində Ermənistan Respublikasının Daxili İşlər naziri Arpine Sarkisyanla görüşüb.

Görüşdə tərəflər iki ölkənin təhlükəsizlik strukturları və qurumları arasında əməkdaşlıq məsələlərini müzakirə ediblər. Həmçinin, Gürcüstan və Ermənistan arasında mövcud dostluq münasibətləri və sıx tərəfdaşlıq vurğulanıb.

İki qurumun rəhbər şəxsləri ikitərəfli maraq doğuran sahələri nəzərdən keçirib və tərəfdaşlığın dərinləşdirilməsinin əsas istiqamətlərini müzakirə ediblər.

Dövlət Təhlükəsizlik Xidmətinin mətbuat xidməti məlumat yayır.