Gürcüstan Prokurorluğu Baço Axalaiaya qarşı qrup zorakılığını təşkil etmək və rəhbərlik etmək faktları üzrə ittiham irəli sürüb.

Prokurorluğun məlumatına görə, Axalaiaya Cinayət Məcəlləsinin 225-ci maddəsinin 1-ci hissəsi ilə ittiham irəli sürülüb, bu da, cəza növü və dərəcəsi olaraq doqquz ilədək müddətə azadlıqdan məhrum etməni nəzərdə tutur.

“Dövlət Təhlükəsizliyi Xidməti və Daxili İşlər Nazirliyi tərəfindən aparılan istintaqla müəyyən edilib ki, təqsirləndirilən Baçana Axalaia texniki mobil rabitə vasitələrindən istifadə etməklə Paata Burçuladze, Murtaz Zodelava, İrakli Nadiradze, Paata Mancqaladze, Laşa Beridze və digər şəxslərin cinayətkar əməllərini təşkil edib və şəxsən rəhbərlik edib. Xüsusilə, onların tərəfindən qrup halında zorakı hərəkətlərin təşkil edilməsi, Gürcüstanın konstitusiya quruluşunun zorakılıqla dəyişdirilməsi və dövlət hakimiyyətinin devrilməsinə çağırışlar edilməsi, həmçinin strateji və xüsusi əhəmiyyətli obyektin ələ keçirilməsinə cəhd edilməsi prosesi.

Paata Burçuladze, Murtaz Zodelava və Irakli Nadiradze, Baçana Axalayanın birbaşa rəhbərliyi və təşkilatçılığı ilə, hökumətə qarşı aqressiv ruhda olan vətəndaşların mobilizasiyası, onların toplanması və zorakılıq hərəkətlərinə cəlb edilməsi məqsədilə, özünüidarəetmə seçkilərindən bir neçə gün əvvəl, Gürcüstanın konstitusiya quruluşunu zorakılıqla dəyişdirmək və dövlət hakimiyyətini devirmək barədə ictimai çağırışlarla çıxış etdilər. Təqsirləndirilən şəxslər ictimaiyyəti aqressiv ruhda olan vətəndaşların iştirak etməli olduğu bir inqilabı dəstəkləməyə çağırdılar. Onların bəyanatlarına görə, onlar birgə olaraq dövlət hakimiyyətini devirməyi planlaşdırırdılar və bunun üçün cəmiyyətin müəyyən qruplarının kütləvi şəkildə cəlb olunması və birləşməsi zərurətindən danışırdılar.

Yerli özünüidarəetmə seçkiləri günü, oktyabrın 4-də təqsirləndirilən və digər şəxslər Baçana Axalaianın rəhbərlik etdiyi və təşkil etdiyi qrup şəklində zorakı hərəkətləri təşkil etmək qərarına gəliblər. Həmin gün Paata Burçuladze Azadlıq Meydanında keçirilən etiraz aksiyasına toplaşan vətəndaşları hazırladıqları tədbirlər planı ilə tanış edib, bu plana əsasən, ayrı-ayrı hakimiyyət nümayəndələrini dərhal həbs etməli və müxtəlif zorakılıq hərəkətləri həyata keçirməli idilər.

Baçana Axalaiaya Gürcüstan Cinayət Məcəlləsinin 225-ci maddəsinin 1-ci hissəsi ilə qrup zorakılığı təşkil etməkdə və ona rəhbərlik etməkdə ittiham irəli sürülüb, bu da cəza növü və dərəcəsi olaraq doqquz ilə qədər müddətə azadlıqdan məhrum etməni nəzərdə tutur.

Prokurorluq həbsdə olan təqsirləndirilən şəxs barəsində həbs qətimkan tədbirinin seçilməsi ilə bağlı vəsatətlə qanunla müəyyən edilmiş müddətdə məhkəməyə müraciət edəcək”, – məlumatda qeyd edilib.