Polşa Ukraynaya verilən hərbi yardımın təfərrüatlarını açıqlayıb

Polşa Ukraynaya verilən hərbi yardımın təfərrüatlarını açıqlayıb. Polşanın müdafiə naziri Vladislav Kosinyak-Kamış bəyan edib ki, Baş nazir Donald Tusk ilə danışdıqdan sonra Ukraynaya hərbi yardımın verilməsi ilə bağlı bütün qərarların məxfiliyin dərəcəsinin ləğv edilməsi prosesinə başlamaq qərarına gəlib.

Kosinyak-Kamışın sözlərinə görə, bu qərar yardımın miqyasının tam şəffaflığını təmin etmək məqsədi daşıyır.

Xüsusilə, Polşanın müdafiə naziri qeyd edib ki, 2022–2023-cü illərdə Polşa Ukraynaya müxtəlif növ hərbi texnika və döyüş sursatı təhvil verib ki, bunun da dəyəri təxminən 15 milyard zlotı (təxminən 3.4 milyard avro) təşkil edir.

“2024-cü ildən bu günə qədər Polşa Ukraynaya əlavə olaraq təxminən 1.55 milyard zlotı (təxminən 350 milyon avro) dəyərində yardım göstərib.

Kosinyak-Kamış həmçinin qeyd edib ki, Ukraynaya dəstək Polşa üçün strateji əhəmiyyət kəsb edən bir məsələdir. Bununla yanaşı, Polşanın müdafiə naziri bəzi yardımların parlamentdən gizli şəkildə həyata keçirilə biləcəyi ilə bağlı müxalifətin tənqidlərinə cavab verib. Kosinyak-Kamış bildirib ki, bütün qərarların açıq olması üçün məhz bu səbəbdən hərbi yardımın ictimaiyyətə açıqlanması prosesinə başlanılıb.